| 媽 我星期一至日, 朝九晚3, 4 你話入得依行, 就預左架啦 你捱多一年 就有好日子過 我心諗 係阿哥佢地有好日子過姐 二哥做event 做通宵 你就等成晚等佢返黎 問佢食飯未 叮湯比佢飲 我呢? 你曾幾何時做過類似既野? 你知唔知我晚晚1, 2點右邊胸口痛la 住la 住驚自己有肝cancer? 你有諗過我感受? 你知唔知我係搵命搏? 佢地無左生意, 份工, 最多搵少d 你個三仔無條命你又知唔知? 大哥有家庭照顧唔比家用 二哥比1000, 你比返200 佢 我比1000, 你話咁少, 要多200 二哥個d係血汗錢, 我個d唔係 大哥25歲, 買貴野比女朋友 二哥25歲, 係出面租屋住成日去玩 我? 咪要開始供樓囉 咪要做返佢地兩個25歲無做既野囉 好啦, 大又係咁, 二又係咁, 個個拍拍patpat 走左去 咪得返我囉 依個世界公平架咩? 二哥想做生意, 你估我唔想? 點解佢得我唔得? 二哥去外國讀書, 你估我唔想? 點解佢得我唔得? 今晚你問我諗買樓諗成點 大佬, 依家去街市買棵菜呀? 你琴日問我, 我今日要答你, 大佬你當我開金礦 上身架大佬 你話二哥當日數都唔計就買樓, 而家咪咁既田地 佢有女朋友撐我無架 你同二哥傾好晒先話比我聽, 依d 唔叫尊重, 係叫命令 佢地兩個拍拍patpat走左去 我就食晒d豬頭骨 我感覺好似被人用刀"行"住一樣, 有得揀咩? 由細到大我都無得揀, 你幫我揀得喇, it's simply so unfair 我借錢買股蝕左六萬無話你知, 大哥就伸手問你拎十萬, 我讀cfa, 一個考試成萬蚊, 再加一個溫習course 又成萬蚊, 我讀左兩個level 總共四萬 我依家又讀第二個course 又2萬蚊 你銀行存摺話比我知, 大哥最近又好似借你8萬喎 究竟邊個生性邊個唔生性? 如果你夾硬要將一個25歲既人同34及36歲既人比 又或者要個25歲既人做到同34, 36歲既人同樣既標準, 對唔住, 我做唔到, 我只係25歲 講完呻完 樓係要買, 你去睇樓啦 我最多遲一年做生意 我夢想係做生意, 係中國大陸起學校, 改變佢地悲慘既命運, 唔會因為為左生活而做違背良心既事 我可以推遲一年, 我知道只要我賺到第一個一百蚊, 就會有100 個一百蚊, 10000 個一百蚊 當然, 我都可以好似大哥二哥咁, 收返我而家所講既說話 今時今日, 唔係因為當日大哥叫你湊細b, 話想你湊大佢, 你唔會唔做omega 唔係因為二哥話要搬過黎, 話要住近d frd, 連數都唔計, 我地唔會只係住左半年都無就賣樓, 個時又話賣左樓d錢比你地養老等等等, 一句話要返大陸, 自己賺左廿萬收工走返大陸 佢地兩個講既野有兌現咩? 當然你成日都話佢地有苦衷 咁我就可以比你地任人”魚欲” 我只係會覺得, 一個無氣量既人, 永遠成為唔到大老闆 佢地兩個唔揹依個責任, 我揹囉 係, 你覺得我唔生性 或者, 我唔識好似佢地咁, tum 得你咁開心, 只係因為我唔想天花龍鳳, 講d實現唔到既事 如果你喜歡比人tum, 我可以講好多好聽既說話 但係我只係怕我所講既野兌現唔到, 就好似佢地而家兌現唔到佢地講既野, 令到你好似而家咁, 咁唔開心 係你細個教我, 講大話會甩大牙 究竟邊個負責任, 邊個唔負責任, 你自己可以諗下 你話婆婆點點點點點偏心 問心個句, 其實我都覺得你都對兩個阿哥偏心 你話我唔生性? 你話我唔識諗? 只係你從來都唔知我諗咩姐 我班主任話我比同齡既其他人更成熟更識諗, 只係係你眼中永遠都唔覺, 因為我只係三個之中最細個, 你永遠只係當我係細路仔 你知唔知道鶴點解? 代表長壽, 長命百歲 亦都係我係蘇州買依個手信既原因 只不過你地無聽到我講野 亦無擺係房入面 工作順利, 一切小心 身體健康 錢方面, 你地唔洗擔心, 永遠唔成問題 和 |
